Улс төрийн хилс хэрэгт хэлмэгдэгчдийн дурсгалыг хүндэтгэх өдрийг тэмдэглэн өнгөрүүлсэн тухай

2019-09-11                                                                                  Хармод

Сумын ИТХ-ын 2019 оны гүйцэтгэлийн төлөвлөгөөнд туссан ажлын нэг улс төрийн хилс хэрэгт хэлмэгдэгчдийг санан дурсах, тэдний гэгээн дурсгалыг хүндэтгэн мөнхжүүлэх, тэмдэглэн өнгөрүүлэх чиглэлийн дагуу Увс аймгийн Сагил сумын ЕБС-ийн 8 дугаар ангийн сурагчдад улс төрийн хилс хэрэгт хэлмэгдэгчдийн тухай ойлголт өгөхийн хамт түүхэн дурсгалт газар шашин,  соёл, боловсролын төв байсан Төгсбуянт хүрээний туурьтай танилцууллаа.

Уг газар тухайн үед Засгийн газрын цэргүүд  хувьсгалын эсэргүү гэгдэх лам, тайж, ноёд нарын 30 гаруй хүнийг буудан хороосон байдаг.

Төгсбуянт хүрээний хэрэм, туурьтай танилцуулах аялал сургалтад санхүүгийн дэмжлэг үзүүлсэн Б.Нэргүй захиралтай “Мөнхжим өргөө”, Ч.Дүгэрсүрэн захиралтай “Дүрт уул” компаний хамт олон, 5-р багийн иргэн жолооч А.Алтансүх нартаа талархал илэрхийлье.

ИРГЭДИЙН ТӨЛӨӨЛӨГЧДИЙН ХУРАЛ