Увс аймгийн ИТХ-ын Тэргүүлэгчдийн 2017 оны 11 дүгээр сарын 20-ны өдрийн 289 тоот албан бичгийн дагуу Сагил сумын ИТХ-ын дарга Х.Сайнбаяр, ИТХ-ын төлөөлөгч Н.Төгсбаяр, Ө.Даваа, Д.Лхамсүрэн, ИТХ-ын нарийн бичгийн дарга Г.Пүрэвсүрэн нарын бүрэлдэхүүнтэй ажлын хэсэг 2017 оны 11 дүгээр сарын 24-ний өдөр ЕБС-ийн сурагчдын түвшин тогтоох шалгалтыг 3,5,7,8,9 дүгээр ангийн сурагчдаас авч, шалгалтын материалыг битүүмжлэн аймгийн БСУГ-т хүргүүлэв.

Ингэснээр сумын хэмжээнд ЕБС-ийн сурагчдын сурлагын түвшин, суурь үнэлгээг тодорхойлж, боловсролын салбарт тулгамдаж буй олон асуудлыг эцэг эхийн оролцоотойгоор шийдвэрлэх, цаашид жил бүр ИТХ-ын нэрэмжит болгон зохион байгуулж хэвших нь хүүхэд залуусын ирээдүйн төлөө хийж буй бодит ажил болох юм.

Шалгалтыг хамтран зохион байгуулсан аймгийн БСУГ, сумын ЕБС-ийн хамт олондоо талархсанаа илэрхийлье.